الى من لا يزال يأتي الى هنا

اول ما بقعد على الانترنت واتوصل بالعالم بدخل على الفيس بوك اشوف الناس بتتكلم عن ايه واحيانا نفسي الأمارة بالسوء توزني ادخل على صفحات أبناء مبارك اشوفهم بيقولوا ايه كنوع من جلد النفس و تدريبها على الصبر احيانا و على قلة الأدب احيانا اخرى .. بعده ادخل على تويتر اشوف الناس بتهس في ايه .. وبعده ادخل علي يوتيوب اشوف الناس بتتفرج على ايه واشوف اخر فيديوهات باسم يوسف .. وبعدين يلا كورة اشوف اذا كان في ماتشات هتتلعب النهاردة ولا لأ مع نوايا صادقة بالفرجة عليها لا تتحقق الا قليلا .. وبعدين اشوف منتديات الافلام منزلة افلام ايه ووضع لينكات افلامي المفضلة في البوكماركس عشان انزلها بعدين ثم لا افعل وان نزلتها ماتفرجش عليها..حب التملك مسيطر علي .. وبعدين ادخل على مواقع الجرائد اليومية .. بحب اقرا البديل خصوصا الهايد بارك.. ولسة بقرا في التحرير لابراهيم عيسى و نجلاء بدير و وائل عبد الفتاح و نوارة نجم وعمر طاهر وبعده الشروق اقرا لفهمي هويدي و جلال امين و وائل قنديل .. واشوف المصري اليوم نزلت مقال علاء الاسواني ولا لسة مع اني بقراه عادة من الفيس بوك ..مبقتش ادخل على اليوم السابع ولا الوفد الا اذا حد لفت نظري لحاجة معينة مكتوبة هناك .. بعد كده بشوف موقع جيكس آر سكسي و آسك من و هفينجتون بوست .. بعد ده كله لو اتبقى وقت اشوف جوجل ريدر و البلوجز .. العالم بيتطور وانا لسة بكتب على بلوجر .. ظهر تمبلر و وردبريس و حاجات تانية معرفهاش بس انا لسة بكتب هنا رغم اني عارف ان مفيش حد بيقرا الكلام ده .. قعدت اتفرج على الناس اللي حظها السيء رماها هنا جت منين الاسبوع ده .. معظمهم جايين عن طريق جوجل و البحث عن الصور.. قلة فقط من جاءت تبحث عن شيء ما .. 4 جاءوا يبحثون عن المحاكمات العسكرية .. 3 يبحثون عن قصة اسلام سونيتا ويليامز .. 2 جاءوا يبحثون عما يريدونه هم وليس ما يريده الاخرون لا اعلم كيف سيجدون ضالتهم هنا .. 2 يبحثون عن اكبر صدر بنت .. افكر في كتابة تدوينة بها اكبر قدر ممكن من الشتائم و الكلمات الاباحية لعلي اجتذب المزيد من الزبائن لكنهم سيرحلون سريعا عندما لا يجدوا ما يشبع شهوتهم هنا ..لم اعد اهتم بمن يقرأ ومن لا يقرأ .. ولا بمن جاءوا الى هنا وحدفهم مزاج جوجل الي .. لم اعد اعلق على ما اقرأ رغم اني لا  افعل شيء سوى القراءة.. حتى شغلي يستلزم القراءة اكثر من العمل..انه الطب كما تعلمون وما يربيه من أتب ازلي لا يختفي من الظهر الا بالذهاب الى القبر .. تراجع شعر رأسي الى الوراء و لاحظت بضع شعرات بيضاء فيه .. اللعنة على الشيخوخة التي تضربني وانا في العشرينات .. لم اعد استطعم اكياس الشيبسي ولا الدوليتوس .. في هذا الشتاء اكل اطباق و اطباق من الكريم كرامل و الارز باللبن .. انها الشيخوخة كما تعلمون .. لا اطيق البرد واقضي معظم وقتي تحت البطانية .. بطانية تحتي و بطانية فوقي وفوقهم اللحاف عشان يحبس الدفا جوا.. انها الشيخوخة لا محالة .. بقرا كتاب ياسر ثابت قبل الطوفان وبفكر اهو الطوفان حصل و مفيش حاجة اتغيرت..يمكن عشان كدهبيتكلم عن موضوع ماتش مصر و الجزائر ومش بيكتب حاجة عن اللي بيحصل دلوقتي .. انا مش محبط بس كل مافتكر يوم ما قلت لحسن في الميدان ان الثورة دي طرية اكتر من اللازم و ان لازمها شوية طرطشة دم يصحوها و يخلصوها اشعر بالندم اني ماقولتش الرأي ده لحد غيره..كان زماننا عملنا كتائب ماشية في كل حتة بتخلص بلا محاكمات بلا قرف.. فريد الديب بروح امه طلع مبارك لسة رئيس وانه بريء من قتل المتظاهرين براءة الذئب من دم ابن يعقوب .. نفسي مبارك يطلع براءة عشان نعرف ان الثورة دي مش هتنجح غير لما نقتل كل الخونة والعملاء والمعرصين و ولاد الوسخة.. نقتلهم جميعا ولا نترك منهم  احدا .. عرفت دلوقتي ليه نزلت سورة التوبة .. سبحانك يا رب .. الآن امنت